Hizbullah: İraq, Suriya və Yəmənə hücumlar Amerikanın yalan iddialarını sübut etdi

İRNA-nın şənbə günü Əl-Məyadin kanalına istinadən verdiyi məlumata görə, Livan Hizbullahının bununla bağlı bəyanatında deyilir: Biz ABŞ-ın İraq və Suriyada açıq təcavüzünü və hər iki ölkədə bir neçə nəfərin şəhid olması və yaralanması ilə nəticələnən bölgələri hədəf almasını qətiyyətlə pisləyirik.  Vaşinqtonun bu hərəkəti iki ölkənin suverenliyinin açıq şəkildə pozulması, onların təhlükəsizliyinə və ərazi bütövlüyünə hücumdur.

Hizbullah vurğulayıb: Bu təcavüz regionun qeyri-sabitliyinə töhfə verir və məqsədi İraq və Suriyada bir neçə bölgənin ABŞ tərəfindən bu ölkələrin xalqının iradəsinə zidd olaraq davam edən işğalı üçün zəif əsaslar tapmaqdır.